E io l’aggio sentuta na musica nova,

e io l’aggio sentuta na musica nova,

a la festa de nisciuno,

senza sotto nè padrune,

a la festa ‘e tutte quante,

senza diavule senza sante.

Sta musica è comm’a na minaccia,

chello che tene a dicere t’o dice ‘nfaccia,

faticammo, menammo ‘e mmane,

ca a magnà ce pensamme dimane

e chi tene ‘a panza chiena

a sta festa nun ce vene.

‘A rilla canta sempre tutt’a nuttata,

a casa d’o padrone m’ha accumpagnata,

quanta robba, mamma mia,

isso canta e addeventa ‘o mio

ma si canta forte forte

‘o padrone me caccia d’a porta.

Tenevo nu cardillo, se n’è vulato,

cantava na canzone, me l’aggio scurdata,

mò me cresco n’ato auciello

e si canta ‘o taglio ‘e ’scelle,

l’auciello pe’ cantà

s’è jucata ‘a libbertà.

E mo fenimmo chesta jacuvella

sente comme te tira la tarantella,

si sta musica ce aiuta

chi cumanna nun pò cchiù pazzià

e mò abballa ‘nsieme a nuje

e sinnò ha fennuto ‘e campà.