Felicissima sera

a tutte ’sti signure ‘ncruvattate

e a chesta cummitiva accussi allera

d’uommene scicche e ffemmene pittate.

Chesta e’ ‘na festa ‘e ballo

Tutte cu ‘e fracchisciasse ’sti signure

E i ca so’ sciso ‘a copp’o sciarabballo

senza cerca”o permesso abballo i pure.

Chi so? Che ve ne ‘mporta?

Aggio araputo ‘a porta

e so’ trasuto ca.

Musica, musicante!

Fatevi mordo onore.

Stasera ‘mmiezo a st’uommene aliganti

abballa un contadino zappatore.

No, signure avvucato,

sentite a me, nu ve mettite scuorno,

i pe’ ve fa’ signore aggio zappato

e sto’ zappanno ancora notte e iuorno.

E so’ dduie anne, dduie,

ca nu scrive nu rigo a casa mia

si ‘ossignuria se mette scuorno ‘e nuie,

pur’io me metto scuorno ‘e ‘ossignuria.

Chi so’? Dillo a ’sta ggente

ca i songo nu parente

ca nu me puo’ caccia’.

Musica, musicante!

Ch’e’ bella l’alleria.

I mo’ ve cerco scusa a tutte quante

si abballo e chiagno dint’a’ casa mia!

Mamma toia se ne more

‘o saie ca mamma toia more e te chiamma.

Meglio si te ‘mparave zappatore

ca ‘o zappatore nu s’a scorda ‘a mamma.

Te chiamma ancora ‘Gioia’

arravugliata dint’o scialle niro

dice ‘Mo torna, core ‘e mamma soia,

se vene a piglia’ l’ultimo suspiro’.

Chi so? vuie me guardate?

So ‘o pate. I’ songo ‘o pate,

e nu me po’ caccia’.

So nu faticatore

e mangio pane e pane

Si zappo a terra chesto te fa onore

Addenocchiate! E vaseme ’sti mmane.