Io nun capisco 'e vote che succede

e chello ca se vede, nun se crede non se crede

è nato nu criaturo è nato niro

e a mamma 'o chiamma Ciro, sissignore 'o chiamma Ciro

seh, vota e gira seh,    seh gira e vota seh, ca tu 'o chiamme Ciccio 'o

Tuono

ca tu 'o chiamme Peppe o Ciro chillo 'o fatto è niro niro, niro niro

comm'a cchè!

s'o contano 'e cummare chist'affare

sti fatte nun so' rare se vedeno a migliare

e vvote basta sulo 'na guardata

e 'a femmena rimane sott'a bbotta 'mpressiunata

seh 'na guardata seh, seh, 'na 'mpressiona seh, va' truvanno mo' chi è

stato

c'ha cugliuto buono 'o tiro chillo 'o fatto è niro niro, niro niro

comm'a cchè!

e ddice 'o parulano, embè parlammo,

pecchè si ragiunammo chistu fatto 'nce spiegammo

addò pastino 'o grano, 'o grano cresce

riesce o nun riesce, semp'è grano chello ch'esce

meh, dillo a mamma meh, meh dillo pure 'a mme conta 'o fatto comme 'e

gghiuto

Ciccio, 'Ntuono, Peppe 'o Ciro chillo 'o fatto è niro niro,niro niro

comm'a cchè

‘E signurine ‘e Capodichino fanno ammore cu ‘e marrucchine

‘e marrucchine se vottano ‘e lanze e ‘e signurine cu ‘e panze annanze

American espresso damme ‘o dollaro ca vaco ‘e pressa

si no vene ‘a pulisse e mette ‘e mane addo’ vo’ isse

Aieressera a Piazza Dante ‘o stomaco mio era vacante

si nun ero po’ contrabbando ie mo gia’ stevo ‘o campusanto

E levate ‘a pistulda’ uh be’ levate ‘a pistulda’

e pisti pakin mama ‘e levate ‘a pistulda’

‘E signurine napulitane fanno ‘e figlie cu ‘e mericane

‘nce vedimmo ogge e dimane  miezza Porta Capuana

Sigarette papa’, caramelle mamma’

biscuit bambino dduie dollare ‘e signurine

E Ciurcillo ‘o viecchio pazzo c’ha arrubbato ‘e matarazze

e ll’America ppe’ dispietto c’ha sceppato ‘e zizze ‘a pietto

Aieressera magnaje pelecchie ‘e capille ‘ncoppe ‘e recchie

‘e capille ‘e capille ‘o decotto ‘e camumille

‘o decotto ‘o decotto ‘a fresella ca carna cotta

‘a fresella ‘a fresella e zi’ monaco tene ‘a zella